МОНИТОРИНГ: ЖАТАҚХАНАЛАРДЫҢ ЖАҢА ОҚУ ЖЫЛЫНА ДАЙЫНДЫҒЫ ТЕКСЕРІЛДІ
ҚР ҒЖБМ Ахуалдық орталығының басшысы Аманғали Шаймарданов Алматы қаласының әкімдігімен және студенттік қоғамдастықпен бірлесіп, жаңа оқу жылы қарсаңында КИМЭП және ҚазҰАЗУ жатақханаларына мониторинг жүргізді. Тексерудің негізгі мақсаты білім алушылардың жайлы тұруына әсер ететін мәселелерді анықтау және қауіпсіздіктің жоғары деңгейін қамтамасыз ету болды.
Мониторинг барысында барлық жатақханалардың жылыту және желдету жүйелерінің жұмысы, сондай-ақ бөлмелердің санитарлық жағдайы тексерілді. Студенттер тұратын жағдайларға және медициналық қызметтердің қолжетімділігіне ерекше назар аударылды.
Тексеріс нәтижесінде Аманғали Шаймарданов студенттерге жайлы және қауіпсіз өмір сүру жағдайларын қамтамасыз ету үшін проблемаларды уақтылы анықтау мен жоюдың маңыздылығын атап өтті. Алматы әкімдігімен және студенттік қоғамдастықпен бірлесіп, жақын арада іске асырылатын жағдайларды жақсарту бойынша ұсынымдар әзірленді.
