ЕҰУ-ДЕ МЕМЛЕКЕТТІК ГРАНТТЫ ЖҰМЫСПЕН ӨТЕУ БОЙЫНША КЕЗДЕСУ ӨТТІ
Бүгін Л.Н. Гумилев атындағы Еуразия ұлттық университетінде мемлекеттік грант бойынша білім алатын жас мамандар мен философия докторларын (PhD) еңбекпен міндетті өтеу туралы ережені түсіндіру бойынша кездесу өтті.
Іс-шара спикері «Қаржы орталығы» АҚ мониторинг департаментінің жетекші маманы Ақзира Серікқали мемлекеттік грант бойынша оқуды аяқтайтын түлектер үшін көзделген жұмыс істеу шарттары, мерзімдері мен ерекшеліктері туралы егжей-тегжейлі айтып берді.
Студенттер елдің әртүрлі аймақтарына жұмысқа орналасу мүмкіндіктері, бөлу механизмдері, сондай-ақ жас мамандардың мемлекет алдындағы міндеттемелерін қалай орындай алатындығы туралы білді. Іс-шараны университеттің Мансап және жұмысқа орналастыру орталығы ұйымдастырды. Сондай-ақ шараға “Жастар практикасы” бағдарламасының өкілі қатысты.
Кездесу докторанттар (PhD), магистранттар, бакалавриат білім алушылары арасында үлкен қызығушылық тудырды, олардың көпшілігі болашақ кәсіби қызметіне байланысты қызықты сұрақтарға жауап алды.
